गोरेगाव तालुक्यातील सोडत : 29 महिला सांभाळणार सरपंचपदाची धुरा

गोरेगाव । तालुक्यात पंचायत समितीच्या सभागृहमध्ये तहसीलदार सचिन गोस्वामी यांच्या मार्गदर्शनात आज गुरुवारी (ता.28) 56 ग्रामपंचायतीच्या सरपंच पदांचे आरक्षण काढण्यात आले. सन 2020 ते 2025 या वर्ष साठी हे आरक्षण काढण्यात आले. 56 ग्रामपंचायती पैकी 29ग्रामपंचायतीवर महिला सरपंच आरुढ होवून गावगाडा चालविणार आहेत. 

        आज जाहीर झालेल्या सरपंच आरक्षणानुसार तालुक्यात अनुसूचित जातीसाठी 7, त्यामधे 4 पद महिलांसाठी, अनुसूचित जमातीसाठी 8 सरपंच पद, त्यापैकी 5 सरपंच पद महिलांसाठी, नागरिकांचा मागासप्रवर्ग एकूण 15 सरपंच पद, त्यामधे 7 महिलांसाठी राखीव, तर सर्वसाधारण सरपंच पदासाठी 26 पदे आरक्षित करण्यात आली. त्यामधे 13सरपंच पद महिलांसाठी राखीव ठेवण्यात आले आहे.
        तालुक्यात एकूण 56 ग्रामपंचायती असून मुदत संपलेल्या 25 ग्रामपंचायतीच्या निवडणुका 15 जानेवारीला घेण्यात आल्या होत्या. 18 जानेवारीला निवडणुकीचा निकाल घोषीत झाला. निवडणुकांपूर्वी सरपंच पदांचे आरक्षण घोषीत झाले नव्हते, त्यामुळे अनेकांचा हिरमोड झाला होता. निवडणुकीनंतर आज 28 जानेवारीला सरपंच आरक्षण सोडत करण्यात आली. या आरक्षण सोडतीमुळे सरपंच पदाचा मुकुट घालणा-या दिग्गजांचा कुठेकुठे हिरमोड झाला आहे. तर अनेक ठिकाणी स्पष्ट बहुमत असतानाही अनेक पॅनलकडे सरपंच पदांचे उमेदवारच नसल्याने गणित बिघडत दिसत आहे.
आज झालेल्या सरपंच आरक्षण सोडतीमध्ये अनुसूचित जाती प्रवर्गासाठी कालिमाठी अनुसूचित जाती स्री , बघोली अनुसूचित जाती स्री , पिडकेपार अनु.जाती महिला , मसगाव अनु. जाती स्री, पालेवाडा अनु. जाती खुला, शहारवानी अनु. जाती खुला, मलपुरी अनु.जाती खुला 
एस टी प्रवर्ग 
अनुसूचित जमातीसाठी 8 सरपंच पद आरक्षित करण्यात आले. त्यामधे मोहगाव,अनु. जमाती खुला, चोपा अनु. जमाती खुला, खाडीपार अनु. जमाती खुला , कुराडी  अनु. जमाती खुला, पिपरटोला  अनु. जमाती स्री,मुडीपार अनु. जमाती स्री, घोटी अनु. जमाती महिला , बबई अनु. जमाती महिला 
नागरिकांचा मागासप्रवर्गसाठी 15 सरपंच पद आरक्षित करण्यात आले. त्यामध्ये चिल्हाटी नामाप्र स्री, पाथरी नामाप्र स्री, बोरगाव नामाप्र महिला , गोदेखारी नामाप्र खुला, तिमेझरी नामाप्र खुला , झाजिया नामाप्र खुला , कटगी नामाप्र स्री, दवडीपार नामाप्र खुला , सिलेगाव नामाप्र खुला, कलपाथरी नामाप्र खुला, मोहगाव तिल्ली नामाप्र खुला , सटवा नामाप्र स्री, आबेतलाव नामाप्र महिला , मेगाटोला नामाप्र खुला, आसलपानी नामाप्र स्री,सर्वसाधारणसाठी 26 सरपंच पद आरक्षित करण्यात आले आहे. 
त्यामध्ये गिधाडी सर्वसाधारण स्री , मुरदोली सर्वसाधारण महिला , घुमरा सर्वसाधारण स्री, हिराटोला सर्वसाधारण स्री, तेलनखेडी सर्वसाधारण स्री, बोटे सर्वसाधारण स्री, सोनी सर्वसाधारण स्री, कवलेवाडा सर्वसाधारण स्री, सोनेगाव सर्वसाधारण स्री, तुमसर सर्वसाधारण स्री, कमरगाव सर्वसाधारण महिला , पुरगाव सर्वसाधारण महिला , डवा सर्वसाधारण महिला , निबा सर्वसाधारण, होसीटोला सर्वसाधारण,  तुमखेडा सर्वसाधारण, मोहाडी सर्वसाधारण, तिल्ली सर्वसाधारण , तेढ़ा सर्वसाधारण , पलखेडा सर्वसाधारण, भडगा सर्वसाधारण, हिरापुर सर्वसाधारण  ,  बम्हनी सर्वसाधारन,  चिचगाव सर्वसाधारन, गनखेरा सर्वसाधारन, हिरडामाली सर्वसाधारन अशा पध्दतीने सरपंच पदांचे आरक्षण घोषीत करण्यात आले.

सरपंच पदांचे आरक्षण सोडतीच्यावेळी तहसीलदार  सचिन गोस्वामी , , नायब तहसीलदार नरेश वेदी , तहसील कार्यालयातील सबंधित कर्मचारी,  तलाठी व तालुक्यातील 56 ग्रामपंचायतीचे पदाधिकारी  ज्यामध्ये पी जी कटरे, केवलराम बघेले,  सुरेन्द्र बिसेन, सिताबाई राहान्गडाले, दिलीप चौधरी , लक्ष्मण भगत, शशी भाऊ भगत ,जितेंद्र कटरे ,डेमेन्द्र राहागडाले ,विश्वजीत डोंगरे आदी प्रामुख्याने उपस्थित होते.